Google ADS

Bytyqi takon Këshillin Drejtues të Autoritetit Kombëtar të Kualifikimeve

16:29 | 30 Mars 2018
M. A.

Ministri i Arsimit, Shyqiri Bytyqi, ka pritur sot në takim Këshillin Drejtues të Autoritetit Kombëtar të Kualifikimeve (AKK), të udhëhequr nga kryetari i Këshillit, Bedri Xhafa.

Gjatë këtij takimi, numri një i arsimit në Kosovë është informuar rreth punës dhe aktiviteteve që po bën AKK-ja, ku kryetari Xhafa njoftoi se Autoriteti është duke punuar konform planit që kanë, ndërsa theksoi se është shënuar progres në shumë fusha, si në miratimin e standardeve dhe profesionit, dhe në akreditimin e institucioneve që kanë aplikuar.

Ai tha se ditëve në vazhdim do të angazhohemi me të gjithë akterët relevantë në mënyrë që të përgatitemi për raportimin që është planifikuar të bëhet në fund të vitit.

Bytyqi ka shprehur vullnetin e tij dhe të MAShT për të mbështetur punën e Autoritetit Kombëtar të Kualifikimeve, transmeton Klan Kosova.

Shpërndaje në rrjete sociale

Lajmet më të lexuara

Të ngjashme

Foto lajm